Македонија

Вељаноски се сретна со делегација од Бундестагот

Вељаноски се сретна со делегација од Бундестагот

Делегација на парламентарната група за соработка со Југоисточна Европа при Бундестагот денес престојува во официјална посета на Република Македонија и во рамки на посетата оствари средба со претседателот на Собранието, Трајко Вељаноски. Делегацијата беше во состав од Петер Вајс, Јосип Јуратовиќ, Александер Соранто Ној, Рудолф Хајнц Визе, Дирк Фепел и Уте Елизабет Финк како и амбасадорот на Сојузна Република Германија во Македонија Н.Е. Кристине Алтхаузер.

На почетокот беше искажано взаемно задоволство за остварената средба и за можноста да се разговара и да се разменат искуства и ставови.

На средбата беше разговарано за актуелните случувања во Македонија за што парламентарната група за соработка од Бундестагот покажа заинтересираност.

Претседателот Вељаноски укажа на важноста во комуникацијата и соработката со Германија особено затоа што на Македонија и е трговски партнер кој се наоѓа на првото место и од каде доаѓаат голем број инвестиции.

Тој исто така ја искажа желбата и подготвеноста на Република Македонија за влез во Европската унија и потребата од поддршка на тој пат.

Соговорниците си упатија желби за понатамошна заедничка соработка.