Вељаноски се сретна со канадскиот амбасадор Филип Пинингтон

Претседателот на Собранието Трајко Вељаноски денеска оствари средба со Филип Пинингтон, новоименуваниот амбасадор на Канада за Македонија со седиште во Белград.

На средбата, како што информира прес-службата на Собранието, станало збор за одличните односи меѓу двете држави за што доказ се и официјалните посети на високо ниво. Двете страни изразиле интерес за продлабочување на соработката и развивање на парламентарната демократија.

Се разговарало и за актуелните случувања во двете земји, а двајцата соговорници изразиле желба за понатамошно развивање на пријателскиот однос кој би дал придонес во повеќе области, особено во економскиот развој.

Доколку преземете содржина од оваа страница, во целост сте се согласиле со нејзините Услови за користење.