Македонија

Вељаноски со честитка по повод Националниот ден на Власите

Вељаноски со честитка по повод Националниот ден на Власите

Претседателот на Собранието на Република Македонија Трајко Вељаноски упати честитка по повод 23 Мај – Националниот ден на Власите.

– Нашата држава Република Македонија и ние како граѓани посветено работиме на подобрување и афирмација на сите заедници вклучувајќи ја и влашката заедница. Ми претставува задоволство што можам да истакнам дека сега како и во минатото вие сте придонеле во оформувањето и создавањето на современата македонска држава. Во таа насока сакам да истакнам дека почитувањето на традиционалните вредности и меѓусебното разбирање е заеднички залог за просперитет на нашата држава, во која и вие со вашите лични успеси придонесувате, се наведува во честитката.

Во неа претседателот на Собранието додава дека сите заедно мораме да се вложиме во градењето и развивањето на модерна и силна Република Македонија во која ќе се почитуваат верските права и културните особености, а со тоа ќе имаме и личен придонесот кон европска и демократска Република Македонија на која се ќе се гордеат сите нејзини граѓани и сите идни генерации.