Со решение од министерот за култура разрешен е директорот на НУ Драмски театар, Роберт Вељановски. Тој на својот Фејсбук профил напиша: „Ете, животот најпосле дојде и во Драмски!“
-Утрово стаса Решението потпишано од Министерот за култура, Роберт Алаѓозовски, со кое сум разрешен од функцијата Директор на НУ Драмски театар Скопје. Во оваа свечена пригода , би сакал да им се заблагодарам за соработката на сите вработени во Драмски!!! Особено би сакал да им се заблагодарам (вработени во Драмски, но и луѓе од надвор!)
– на сите оние кои повеќе од 4 години несебично се обидуваа да ме оцрнат и да ме срушат. Вие ме правевте поцврст, похрабар и поодлучен! За ова вистински сум Ви благодарен!!!
– на сите оние кои пред мене се лигавеа, а зад мене говореа се и сешто. Обично, невистини! Вам сум Ви благодарен затоа што Вие ми покажувавте дека сум на вистинскиот пат!!!
– на сите оние кои вистински и несебично ми помагаа и ме поддржуваа! Вам од срце Ви благодарам и Ви се поклонувам до земја!!!
На крајот, на новиот в.д. директор му посакувам плодна и успешна работа!
Да живее Драмски!!!, напиша Вељановски.