Свет

Венецуела воведува визи за Американците, Буш и Чејни добија забрана за влез

Венецуела воведува визи за Американците, Буш и Чејни добија забрана за влез

Претседателот на Венецуела Николас Мадуро објави воведување влезни визи за државјани на САД и побара скратување на американскиот дипломатски персонал во Каракас, пренесе МИА.

Во јавно обраќање, Мадуро рече дека на некои Американци ќе им се забрани влез на територијата на Венецуела.

– Неколку политички лидери на САД, кои ги нарушиле човековите права, бомбардирајќи земји како Сирија,Ирак и Авганистан, нема да можат да влезат во Венецуела, затоа што се терористи, рече Мадуро.

Претседателот ги наведе имињата на Џорџ Буш, потпретседателот Дик Чејни и двајцата републикански конгресмени Боб Мелендес и Марко Рубио.

Венецуела и САД немаат разменето амбасадори од 2010 година, но одржуваат дипломатски односи преку пониски рангови на дипломати.