Македонија,Политика

Венизелос и Бан Ки Мун разговарале за спорот за името

Венизелос и Бан Ки Мун разговарале за спорот за името

Грчкиот министер за надворешни работи Евангелос Венизелос вчера во Брисел имал куса средба со генералниот секретар на ОН Бан Ки Мун на која разговарале и за прашањето за името на Македонија, објави МИА.

„Со генералниот секретар на ОН кусо разговаравме за две главни прашања кои се однесуваат на нас: кипарското прашање се разбира, но и за иницијатива на Нимиц во врска со прашањето за името. Позициите на Грција се јасни и цврсти, и генералниот секретар го цени тоа“, изјави Венизелос.

Како што јави дописникот на МИА од Атина, средбата меѓу шефот на грчката дипломатија и Бан Ки Мун се одржа на маргините на самитот ЕУ-Африка.