Поранешниот разузнавач Зоран Верушевски денеска го дава својот исказ во врска со случајот „Пуч“ во кој е првоосомничен. Со исказот на лидерот на СДСМ Зоран Заев се очекува обвинителството да одлучи дали ќе покрене обвинителен акт за случајот.
Верушевски веќе неколку пати беше спроведен во Обвинителството за организиран криминал и му беа презентирани доказите со кои се располага против него. Неговиот адвокат тврди дека од она што досега го виделе нема основа за обвинение, објави „24 вести“.
Во врска со случајот засега има една спогодбена пресуда со еден од последните двајца осомничени. Поранешен вработен во УБК го признал делото неовластено снимање на телефонски разговори за што доби 3 години затвор. Искази дадоа и сопругата на Верушевски, вработениот во струмичката општина и другиот функционер во МВР.
Фото: Вечер