Отвораме опозициски фронт против партизацијата на општеството, против партизацијата на администрацијата и судството, рекол во своето обраќање Ѓорги Оровчанец претседател на Нова алтернатива, на денешната промоција на Платформата за нивно политичко дејствување во насока на промена на власта во Македонија.

Дванеасет опозициони партии денс ја потпишаа оваа платформа,меѓу нив се СДСМ, НСДП, Либерална партија, Партија на слободни демократи, Нова алтернатива, Движење за национално единство на Турците, Демократски сојуз на Власите, Сојуз на Титови леви сили, Граѓанско-либерална партија, Партија на пензионерите, прогресивна партија и Зелена партија на Македонија.
 
Оровчанец посочил дека фронтот се отвора спрема власта поради погубниот популизам со кој се замаглуваат вистинските проблеми во оваа држава.

“Ние сакаме да ги афирмираме вистинските вредности што ја прават оваа нација горда и достоинствена. Оваа платформата е доволно широка рамка за да се манифестира еден здрав патриотизам, политичка одговорност, но и политичка визија. Ова е платформа која ќе ја врати Македонија на вистинскиот пат  “, рекол тој, се наведува во лиферуваното соопштение.

Автор на веста: Нетпрес
Објавена на 01.02.2010 14:53:18