Крими хроника

Ветувала лажни вработувања во министерство за здравство, присвоила 150.000 денари

Ветувала лажни вработувања во министерство за здравство, присвоила 150.000 денари

Скопјанка којашто за паричен надомест ветува вработување во министерството за здравство на своите жртви им ветувала дека ќе ги вработи во министерството како преведувач од англиски на македонски јазик, референт во Министерството, потоа како медицинска сестра во Одделот за максилофасцијална хирургија или како акушерка, и во еден случај ветила работно место – лаборант во Одделението за трансфузиологија.

 

МВР до Основното јавното обвинителство во Скопје поднесе кривична пријава против Е.С.(36), поради наводи дека од јуни до август минатата година ветувала вработувања на повеќе лица, за што земала паричен надомест во изност од околу 150.000 денари.

Е.С.,лажно повикувајќи се на лица на високи позиции во Министерството за здравство на Република Македонија, ги довела во заблуда оштетените, ветувајќи им дека нејзина помош за краток временски период ќе бидат вработени во Министерството за здравство.

За услугите, пријавената од оштетените во повеќе наврати барала парични средства во висина од 12.000 до 24.000 денари со изговор дека парите и биле потребни за трошоци околу набавка на потребна документација за вработување, односно за систематски и психолошки прегледи.

Делата се извршувани на идентичен начин, а откако оштетените сфатиле дека станува збор за измама, случаите ги пријавиле во полициска станица.

Е.С. е повикана на разговор во полициска станица, бидејќи постоелет основи за сомнение за сторени четири кривични дела  за измама, кои се казниви по член 247 од Кривичниот законик на Република Македонија. Таа ги признала кривичните дела и го појаснила начинот на извршување, а по ова оштетените пријавиле во полициска станица дека парите им биле вратени во целост, соопшти МВР.