Свет

ВИДЕО: Активист нападнал германска политичарка со торта

ВИДЕО: Активист нападнал германска политичарка со торта

Членот на раководството на партијата „Левица“ Сара Вегенкнехт била нападната со торта поради нејзините јавно искажани ставови за бегалците.

Политичарката била нападната во Магдебург каде што денеска нејзината партија одржува конгрес, а нападот го извршила група што се нарекува „Антифашистичка иницијатива – Торта за мизантропите“, која пред конгресот дистрибуирала флаери во врска со позициите на Вегенкнехт за бегалците.

Опозициската политичарка смета дека Германија мора да воведе горна граница за прием на бегалци и дека „не сите бегалци можат да дојдат во земјата“ што предизвика и внатрешен судир во „Левицата“, која е најголема опозициска партија во актуелниот германски федерален Парламент.