Поддршката за признавае на Република Македонија под уставното име од страна на Австралија расте. По пратеникот Лук Симпкинс денеска својата поддршка ја упати и пратеничката Алана МекТирнан од Перт.
Алана во својот говор пред Парламентотрече дека Австралија се наоѓа во мала група држави кои на Македонија и се обраќаат преку времената референца меѓу кои не се традиционалните австралиски сојузници како САД, Британија и Канада.
Пратеничката исто така ја искажа и својата поддршка за напорите што Македонија ги прави да стане членка на Европската Унија.
Исто така таа додаде дека Македонците кои живеат во Австралија неуморно ги користат своите таленти и способности да ја претстават својата земја на сите полиња од човековото живеење, вклучувајки ја културата и традицијата на најдобар начин.
Пратеничката од Перт ја искажа својата огромна благодарност до македонскиот амбасадор во Австралија, Веле Трпевски за неговиот ангажман и напорите за промоција на интересите на Република Македонија во Австралија, како и до Почесниот Конзул Ќосески.
Ова е уште една потврда дека подршката за признавање на уставното име од страна на Австралија расте, и се надеваме дека наскоро сите ке го имаат истото мислење и ке ги подржат предлозите на Лук Симпкинс и Алана МекТирнан со што Австралија ке ја признае Република Македонија под нејзиното уставно име и ке се отфрли досега употребуваната претставка ФИРОМ.