Гробот на симнатиот ирачки лидер Садам Хусеин во Тикрит буквално е срамнет со земја во жестоките борни на екстремистите на Исламска држава и ирачките безбедносни сили.
На видео-снимката што ја објави АП, се гледа дека од огромниот комплекс се останати само потпорните столбови коишто некогаш го држеа покривот.
Тикрит се наоѓа под контрола на ИД од јуни минатата година.
Ектремистите во август тврдеа дека гробницата, која се наоѓа во родното село на Хусеин, е целосно уништена, а официјалните власти тврдеа дека е направена само помала штета.
Припадниците на антиџихадистичките парамилитарни сили познати како единици на Популарната мобилизација го составуваат најголемиот дел од силите коишто веќе две недели се борат за да ја превземат контролата над Тикрит од ИД, во што се потпомогнати од војската и полицијата на Ирак, како и од други парамилитарни сили.
фото: АП