Свет

Несреќа во Њу Јорк (Видео) Хеликоптер се сруши во река, петмина загинати

(Видео) Хеликоптер се сруши во река, петмина загинати

Пет лица загинаа откако хеликоптер се урна вчера во водите на реката Ист Ривeр во Њујорк, а несреќата ја преживеал само пилотот, пишува CNN.

Според информациите на медиумите, тројца повредени патници биле пренесени во болница, но таму им подлегнале на повредите.

 

Во спасувањето и потрагата по преживеаните учествувале пожарникарите, а раководителот на пожарникарските службина Њу Јорк, Даниел Нигро потврди дека пилотот успеал да излезе од хеликоптерот.

-Еден од најтешките аспекти на таквото спасување е фактот дека сите патници беа врзани. Моравме да ги пресечеме безбедносните ремени за да ги извлечеме- рече тој.

Федералната администрација за воздушен сообраќај соопшти дека несреќата се случила во 19 часот во близина на ностровот Рузвелт. Според аудио-снимките кои ги случнале медиумите, пилотот на хеликоптерот „Еурокоптер АС 350“ испратил повик за помош до аеродромот „Ла Гвардија“ во кој рекол дека му откажал моторот.