Судот во Атина ја отфрли тужбата против пратеникот од грчката ултрадесничарска партија Златна Зора Елијас Касидиарис, која го товареше за напад на две политичарки за време на телевизиска емисија во 2012 година, пренесуваат денеска грчките весниц, пренесува МИА.
Судот проценил дека Касидиарис не им нанел тешки телесни повреди на жените, како што се тврдеше во тужбата.
Инцидентот се случи во 2012 година за време на телевизиска емисија, емитувана во живо. Тогаш Касидиарис и удри шлаканица на членката на Комунистичката партија, а потоа со вода ја полеа членката на Сириза.
Касидиарис е еден од неколкумината пратеници на Златна зора кои се наоѓаат во притвор и чекаат судење под обвинение дека водат криминална организација.