И покрај тоа што беше строго криен од очите на јавноста, на интернет се појавија првите фотографии на најновиот руски тенк „Т-14 армата“.
Новиот тенк е снимен за време на транспортот со воз на полигон надвор од Москва, пред одбележувањето на Денот на победата на 9-ти мај, на Црвениот плоштад во Москква.
Иако тенкот е делумно камуфлиран, за да се скријате неговата големина и изглед, гасеницата со седум тркала е јасно видлива.
Очигледно е и тоа дека тенкот поседува најнова генерација топ, калибар 125 мм.
На Парадата исто така ќе биде прикажано и другото вооружување на руската војска: унапредени тешки оклопни возила „Курганет 25“ и „Бумеранг“, оклопните возила „Тајфун – У“ и ракетниот систем „Корнет – Д“.
По пет години развој, Корпорацијата за истражување и производство „Урал вагон завод“ го заврши производството на првата серија „армата“ тенкови и тешки оклопни транспортери. Тие се воведени во рускиот систем на одбраната годинава.