Свет

Видео снимка од медицинска сестра заразена со ебола

Видео снимка од медицинска сестра заразена со ебола

Објавена видео снимка на која се гледа првата медицинска сестра заболена со ебола во Тексас, Нина Фам.

Видеото е објавено од Презвитеријанската болница во Далас пред да биде преместена во изолациска единица на Националниот институт за здравство во Бетесда, Мериленд.

Деталите за нејзината состојба не се познати, но Фам е будна и расположена. Таа плаче, а на својот лекарски тим му вели: „Ве сакам, момци“.

Фам вчера беше примена во Одделението за специјални клинички студии на Клиничкиот центар НИХ за да биде лекувана од експерти за заразни болести и интензивна нега.

Амбер Винсон, другата сестра заразена со ебола откако го лекуваше Либериецот, во средата вечерта била испратена во болницата на Емори универзитетот во Атланта.