Македонија,Економија

(ВИДЕО) Со само 75 евра рата до своја куќа

(ВИДЕО) Со само 75 евра рата до своја куќа

Проектот „Купи куќа, купи стан“ наиде на голем интерес, особено кај младите брачни парови но и кај сите оние кои сакаат да го решат станбеното прашање.

До сега 331 семејство добило станбен кредит, а Владата за таа цел исплатила два ипол милиони евра субвенции, истакна вицепремиерот и министер за финансии Зоран Ставрески во Индекс на Радио Слободна Македонија.

-Ако граѓанин сака да купи стан и му е потребен кредит од 50.000 евра, тогаш граѓанинот треба да плаќа практично околу 300 евра месечна рата. Од тие 300 ерва 150 евра месечно плаќа Владата, а 150 евра граѓанинот, односно половина од месечната рата ја плаќа Владата. Посебно е важно што тоа се прави во првите години кога е најтешко да се враќаат парите. Доколку станува збор за куќа исто на кредит од 50.000 евра, со месечна рата од 300 евра, 225 евра, односно 75% покрива државата во првите 3 години, како и во 4-та и 5-та година, а граѓанинот треба да плати 75 евра. Се работи за исклучително поволни услови, објасни Ставрески.

Втората можност, додаде тој е Владата да помогне во обезбедувањето на средства за учество за да може граѓанинот да добие стамбен кредит. Станува збор за финасиска поддршка која се движи од 6 до 12.000 евра, а истата се исплаќа однапред со цел граѓанинот да добие кредит со сопствено учество.

Владата од неодамна, вели Ставрески за Индекс на Радио Слободна Македонија, ги намали и каматните стапки на овој субвенциониран станбен кредит или 3,95 % за првите три години и 4,44% за четвртата и петата година.

Проектот продолжува и идната година, а сите граѓани што од некоја причина не можеле досега да аплицираат, а сакале тоа ќе може да го сторат и идната година.