Денеска околу 13:15 часот пред кафулето Савоја во центарот на Бар во Црна Гора убиен е со снајпер Армин Муша Османагиќ, водачот на еден од криминалните кланови во овој град.
Пукање и полициски сирени одекнуваат по улиците на Бар. Полицијата е недалеку од местото каде е убиен Османагиќ, а возилото од кое е пукано е пронајдено недалеку од местото на злосторството.
Во тек е серизно мафијашко расчистување на сметките. Пред кафулето во моментов се одвива увид.
Се започнало за ранување на Армин околу 13:15 часот пред кафулето Савоја во центарот на Бар. Како што јавуваат црногорските медиуми, во него е пукано со снајпер. Тој е погоден во стомакот. Ранет е и келнерот од кафулето, веројатно тој е колатерална грешка.
Османагиќ во полициските документи е означен како водач на криминален клан во Бар.
Тој и неговата сопруга Лилјана Биговиќ Османагиќ се осомничени за перење пари стекнати преку илегално четиригодишно организирање на игри на среќа.
Меѓутоа, Врховниот суд во Подргорица одлучи во ноември минатата година да не им одредува мерка притвор.
Полицијата се сомнева дека членови на неговата група парите заработени преку нелегални активности ги перат преку купување на недвижнини, како и во вложување во легални ресторани, казина, коцкарници.
