Свет

Виетнам ќе воведе автобуски превоз само за жени

Виетнам ќе воведе автобуски превоз само за жени

Виетнамските власти соопштија дека ќе донесат прописи според кој на некои градски автобуски линии, во време кога вообичаено има турканици, ќе организираат превоз исклучиво за припадничките на понежниот пол.

Прописот е донесен поради се поприсутната појава на кражби и сексуално насилство во кои жртви се жените.

„Женските автобуси“ прво ќе бидат привилегија на жителките на Ханој, а потоа ќе се воведуваат и во другите поголеми градови.

Во истражување направено во Ханој и Хо Ши Мин Сити од 2.046 испитани, дури 57 посто од жените на возраст од над 16 години изјавиле дека имаат негативни искуства и биле сексуално малтретирани на постојките и во автобусите во кои имало турканици.

Мажите во турканиците при чекањето, најчесто, не се воздржувале да ги допираат жените и им упатувале непристојни зборови.

На сексуално насилство се пожалиле и 31 отсто помлади девојки, кои кон училиште патувале со автобус.