И покрај фактот дека има четири деца, убавата манекенка успева да одржи идеална линија, а за тоа е одговорна нејзината здрава исхрана.
Во морето различни режими на исхрана, Хајди Клум пронашла совршено избалансирано мени, кое се заснова на здрави продукти и умереност во храната. И покрај фактот дека има четири деца, убавата манекенка успева да одржи идеална линија, а за тоа е одговорна нејзината здрава исхрана.
Како што открива Хајди, свежото овошје и зеленчук се главните производи што најчесто се наоѓаат на нејзиното мени. Секое утро Хајди го отпочнува денот со смути од ананас, бобинки, јаболки и банани, а понекогаш наместо ова овошје се определува за свеж прокељ и ленено семе, што е одличен извор на здрави маснотии.
По ова, во текот на денот Хајди подготвува ручек, кој што во зависност од денот, најчесто опфаќа динстан зеленчук, резанец, салата со пилешко месо или со туна, свеж прокељ, овошје и супи, особено пилешка супа.
Нејзината диета не подразбира внесување на јаглен хидрати, како што е лебот и тестенините, односно било какви рафинирани и индустриски произведени облици на јаглен хидрати. Сепак, тие не се во целост исклучени, така што во нејзината исхрана е дозволено внесување на компир и банани.
A photo posted by Heidi Klum (@heidiklum) on
Во оние ситуации кога треба да внимава на линијата, Хајди неколку пати неделно оди во долги прошетки и се држи колку е можно подалеку од лебот, тестенините и оризот. Иако нејзиниот вид на живот се заснова на вежбање и на здрава исхрана, Хајди самата открива дека нејзиниот здрав план на исхрана понекогаш знае да го измами со брза храна, како што е чоколадата, пиците или хамбургерите. Сепак тоа се мошне ретки ситуации и Хајди со својот фантастичен изглед во 43-тата година докажа дека умереноста е клуч за изградба на добро и здраво тело.
