Вкупно 13.299 повици за точно три месеци на телефонската линија за медицински совет „Ало докторе!“, или секој ден имало по 147 јавувања.
За здравствен совет се достапни 22 доктори, а јавувањата се од граѓани од сите градови на Македонија .
На сите лица кои се јавија на телефонската линија „Ало докторе!“ им е дадена медицинска помош преку здравствен совет и соодветна симптоматска терапија.
Најчесто јавувањата се за медицинска помош со широк спектар на најразлична симптоматологија ,кардиоваскуларни и респираторни симптоми,најчесто за покачен крвен притисок, проблеми со покачена телесна температура ,кашлица , настинки и симптомна болка.
Секој ден од 18 до 22 часот во кол центарот „Ало докторе!“ за медицински совет се дежурни и достапни за здравствен совет директорите на јавните здравствени установи.
Денеска од 18 до 22 часот ќе биде дежурен др.Илијаз Исмаили, директор на Клиниката за очни болести . Утре е дежурна Др.Ленче Неловска од Геронтолошкиот завод 13 ноември ,во среда др.Мендух Јегени, директор на специјалната болница за Гинекологија и акушерство Чаир, на 18.12.2014 година др.Живка Јордановска од Заводот за рехабилитација на слух,говор и глас и во во петок на 19.12.2014 година др.Оливер Зафировски, директор на Институтот за белодробни заболувања кај децата Козле.
Во сабота на 20.12.2014 година дежурен е др.Идриз Неџипи од Психијатриска болница Скопје,а во недела на 21.12.2014 година др.Оливера Давчева од ЈЗО Здравствена станица Железара Скопје.