Македонија

Вкупно 36 сообраќани незгоди за 4 дена

Вкупно 36 сообраќани незгоди за 4 дена

Во текот на изминатите четири дена на подрачјето на Град Скопје од страна на сообраќајната полиција извршен е увид на вкупно 36 сообраќајни незгоди.

Во петокот, на 5 декември, извршен е увид на вкупно 12 сообраќајни незгоди. Од нив, пет се со последица материјална штета и шест со последица телесна повреда во кои со полесни повреди се здобиле осум лица.

Се случила и една незгода со последица тешка телесна повреда во која со тешки телесни повреди се здобил еден пешак.

Во сабота, на 6 декември, извршен е увид на вкупно 11 сообраќајни незгоди. Од нив, шест се со последица материјална штета и четири со последица телесна повреда во кои со полесни повреди се здобиле седум лица.

Случена е и една незгода со последица тешка телесна повреда во која со тешки телесни повреди се здобил еден возач на патничко моторно возило, а со телесни повреди се здобил еден возач на патничко моторно возило и еден сопатник.

Во недела, 7 декември, извршен е увид на вкупно четири сообраќајни незгоди. Од нив, две се со последица материјална штета и две со последица телесна повреда во кои со полесни повреди се здобиле три лица.

Во понеделник, 8 декември, извршен е увид на вкупно девет сообраќајни незгоди. Од нив, една е со последица материјална штета и четири со последица телесна повреда во кои со полесни повреди се здобиле пет лица.

Се случиле и четири незгоди со последица тешка телесна повреда во која со тешки телесни повреди се здобиле тројца пешаци и еден сопатник, а со телесни повреди се здобиле двајца возачи на патничко моторно возило и шест сопатници.

Во текот на продолжениот викенд од страна на сообраќајната полиција откриени и санкционирани се 47 возачи кои ги управувале своите возила под дејство на алкохол и истите се исклучени од сообраќај, 15 возачи коишто не го почитувале ограничувањето на брзината на движење, пет возачи не отстапиле првенство на минување на пешаците на обележан пешачки премин, 14 возачи кои не ги почитувале светлосно сообраќајните знаци на крстосниците, како и 12 пешаци кои поминале вон обележан пешачки премин или, пак, поминале на црвено светло на семафор за пешаци.

Со помош на специјалното возило „пајак“ во текот на овие четири дена од страна на сообраќајната полиција отстранети се 65 возила кои го попречувале нормалното одвивање на сообраќајот.

Отсекот за превенција при Единицата за безбедност во патниот сообраќај при СВР Скопје во рамки на своите превентивни активности денеска ќе реализира работилници во основното училиште „Даме Крапчев“ во населба Ченто, кое се наоѓа на територијата на општина Гази Баба.

За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.