Интегрален текст
Со цел унапредување на квалитетот на високото образование, Владата на Република Македонија во изминатиов тримесечен период на транспарентна и сеопфатна дебата во јавноста по однос на предложените реформи во високото образование, прифати поголем број на аргументирани сугестии за квалитативно подобрување на концептот на реформите и на текстот на предложените законски решенија.
Денеска, Владата упатува уште еден повик и замолница, до сите субјекти кои имаат интерес и аргументирани идеи и предлози за понатамошно унапредување на реформата, до сите Универзитети, до целата професорска фела и до сите студенти, вклучувајќи ги и оние професори и студенти кои побараа, а во текот на вчерашниот ден и прифатија учество во дебатата, а потоа решија да не присуствуваат на истата, да ги испратат своите предлози за квалитативно надградувања и надополнување на текстот и членовите на предложените реформски реформи, до Владата или до Министерството за образование и наука во писмена верзија, за да може да бидат соодветно, детално и сеопфатно разгледани и да се увиди можноста за нивно вградување во законските решенија.
Владата на Р.М. е отворена за сугестии и подготвена да ги разгледува и анализира сите аргументирани предлози кои ќе пристигнат и тоа за секој член од законските решенија и затоа уште еднаш го упатуваме овој апел до целата академска заедница.