четврток, 23 март 2017  |  Вести денес: 8

ВМРО-ДПМНЕ: Болката на СДСМ е што образовен систем оди напред!

Ниту едно соопштение на СДСМ не може да го промени фактот дека Владата предводена од ВМРО-ДПМНЕ во изминатите години го зголеми буџетот за образование за повеќе од 72 проценти, реагираат од ВМРО-ДПМНЕ

вмро-дмне

Последни вести

Повеќе од 400 училишта се реконструирани, од кои 60 само во оваа година. Се изградија и 55 училишни спортски сали, по 10-ина на годишно ниво откако е започнат проектот. Веќе осма година по ред се имплементира концептот на бесплатно образование, преку обезбедување бесплатни учебници за сите основци и средношколци, како и бесплатен превоз за оние кои живеат на повеќе од 2,5 километри оддалеченост од училиштето, соопшти ВМРО-ДПМНЕ реагирајќи на тврдењето на СДСМ дека за многу ученици учебната година почнала без учебници, клупи и сточиња.

– Ниту едно соопштение на СДСМ не може да го промени фактот дека Владата предводена од ВМРО-ДПМНЕ во изминатите години го зголеми буџетот за образование за повеќе од 72 проценти. Фактот што изгради 74 нови училишни објекти, од кои три во летниот период годинава – ново средно училиште во општина Сарај, нов училишен објект за потребите на ОУ „Невена Георгиева Дуња“ во Кисела Вода, кој ги заменува бараките стари 50 години, и нов училишен објект во состав на ОУ  „Димитар Беровски“ во населбата Хром во Ѓорче Петров. Тие целосно се опремуваат и ставаат во функција на учениците и наставниците. Буџетот на СДСМ за оваа намена изнесуваше 0 денари. Последен пат пред 2006 година нов училишен објект е изграден пред осамостојувањето на државата, пишува во реакцијата на владејачката партија.

ВМРО-ДПМНЕ наведува и дека во училиштата се применуваат најсовремени програми и учебници изработени и одобрени од најголемиот светски снабдувач со квалитетни наставни програми и учебници – Меѓународниот центар при универзитетот Кембриџ и дека редовно се дистрибуираат до учениците на почетокот на секоја учебна година.

– И учебната 2016/2017 година започна успешно во сите општини и населени места во државата.  Болката на СДСМ е што македонскиот образовен систем оди напред. Затоа секојдневно преку изнесување невистини се обидуваат да ја манипулираат јавноста, стои во реакцијата на ВМРО-ДПМНЕ.

Најчитани вести