среда, 7 декември 2016  |  Вести денес: 41

ВМРО-ДПМНЕ: Да се донесе Буџетот и распушти Собранието

ВМРО-ДПМНЕ предлага Собранието на Република Македонија попладне во 17 часот да закаже седница на која прва точка ќе биде расправата за буџетот за следната година, а втора точка во 19 часот одлуката за распуштање на законодавниот дом.

112255896

Поврзани вести

ВМРО-ДПМНЕ соопшти дека ја поздравува одлуката на СДСМ да го прифати, како што наведуваат, „нашиот повик да престане да бега од соочување со народот и да поднесе барање за распуштање на Собранието“.

– Барањето на СДСМ го прифаќаме и очекуваме дека овој пат Зоран Заев нема да се обидува да измислува причини за повторно да избега од избори. ВМРО-ДПМНЕ предлага Собранието на Република Македонија уште денеска, во 17 часот,  да закаже седница на која што прва точка ќе биде донесување на Буџетот за 2017 година, со што ќе се гарантира редовна исплата на плати, пензии, социјална помош и подмирување на другите потреби на граѓаните. Втора точка, која во целост ќе ја поддржиме, предлагаме да биде донесување на одлуката за распуштање на Собранието и за неа да се расправа во 19 часот, се вели во соопштението од ВМРО-ДПМНЕ.

Доколку СДСМ е убедена дека ќе ја добие поддршката и дека ќе победи на наредните избори, додаваат од ВМРО-ДПМНЕ, не е спорно на првата седница по конституирањето на новиот собраниски состав да предложи и изгласа ребаланс на Буџетот за 2017 година.

– Неносењето на буџетот ќе значи и потенцијален ризик и опасност од внесување на земјава и во финансиска криза, покрај политичката криза со која што се бориме и се обидуваме да ја надминеме. Со поддршката на агендата што ја предлагаме, СДСМ ќе докаже дека навистина има намера да излезе на избори и дека навистина се убедени дека државата веќе не смее да биде заложник на политичките интереси на Зоран Заев, стои во соопштението објавено од ВМРО-ДПМНЕ.

Претходно, ВМРО-ДПМНЕ ја повика СДСМ да достави достави предлог за распуштање на Собранието, по што пратеничката група на опозициската партија и нејзините коалициски партнери доставија иницијатива за итна седница со таков дневен ред.  Предлог одлука со која се бара денеска да се распушти Парламентот, поднесе и Демократскиот сојуз.

Најчитани вести