ВМРО-ДПМНЕ им го честита големиот муслимански празник Рамазан Бајрам на сите припадници на муслиманската вероисповест кои живеат во Република Македонија без разлика на нивната етничка припадност.
Овие денови кои тие ги поминуваат во духот на празничната радост и со своите најблиски роднини и пријатели, се денови кога се јакнат вредностите на толеранција, меѓусебно разбирање и соживот.
Сега е моментот кога е најдобар миг да ги направиме уште поцврсти нашите долговековни принципи на градење на соживот и меѓусебно разбирање, без разлика на верската или етничка припадност.
„На нашите сограѓани од муслиманска вероисповед им посакуваме овој голем празник да го поминат во семејна радост, хуманост и хармонија, меѓу своите најблиски, роднини, пријатели и соседи, со најискрени желби за успех и напредок во иднина“, стои во честитката од партијата.