Во продолжение следува интегрален текст од реакцијата на ВМРО-ДПМНЕ.
Граѓаните на Република Македонија се за просперитет и напредок, а не за деструкција и држење на земјата во криза. Граѓаните се за стабилна и сигурна држава, а не за нејзина дестабилизација и обиди за разорување.
Граѓаните сакаат нови работни места и многу нови инвестиции и проекти во повеќе области од земјоделие, млади, здравство, образование, социјала и пензии, инфраструктурата. Граѓаните на Република Македонија никогаш не гласале за манипулаторите и аболицираните криминалци како Зоран Заев кои во својот план имаат не само двојазичност, туку целосно редизајнирање на државата.
Граѓаните и досега силно ја поддржувале политиката на ВМРО-ДПМНЕ и борбата за создавање на уште подобра држава во која живееме, а ги осудувале и казнувале оние кои се водат по девизата „колку полошо за Македонија, толку подобро за СДСМ“.
Токму затоа и на 11-ти декември столбот на државата – граѓаните на Република Македонија ќе дадат најмасовна поддршка до сега за ВМРО-ДПМНЕ и за заедничкиот одговор до повеќе адреси, во кој ќе стои дека народот одлучува сам за својата иднина и народот одбира просперитет, нови инвестиции и работни места, а е против и ги казнува политичарите со мисија Македонија да ја држат во состојба на перманентна криза.
Време е за крај на кризата, време е да продолжиме фуриозно напред. Време е за 10-тата победа по ред, заедничка победа на граѓаните на Република Македонија и ВМРО-ДПМНЕ.
Доколку преземете содржина од оваа страница, во целост сте се согласиле со нејзините Услови за користење.