Лидерот на ВМРО-ДПМНЕ Никола Груевски и вечерва, како и претходните денови, присуствуваше на протестот пред Министерството за правда, кој се оддржува против приведувањата пратеници и други лица за учество во настаните во Собранието од 27 април годинава.
Тој заедно со граѓаните ги слушна пораките кои ги упатија говорниците на протестот. Граѓаните бараат итно запирање на сите процеси на политички прогон.
Груевски присуствуваше и на сите претходни протести кои се одржуваа пред Министерството за правда, Кривичниот суд и затворот во Шуто Оризари.
Инаку, протестите продолжуваат и утре во 18 часот пред Министерството за правда.