ВМРО-ДПМНЕ: Каракамишева е жртва на закани и навреди, бидејќи говори различно од Фрчкоски и Павлова-Данева

ВМРО-ДПМНЕ ги осудува сите обиди да се повредуваат индивидуалните права, дури и кога тоа се прави под превезот на наводен револт на студентите, реагираат од ВМРО-ДПМНЕ.

Тоа што деновиве и се случува на професор Тања Каракамишева на Правниот факултет е класична дискриминација и насилство врз неа само заради искажано сопствено професионално мислење и сопствен став. Професорката Каракамишева е жртва на закани и навреди, само заради тоа што не го зборува тоа што неколкумина студенти сакаат да го слушнат. Професорката Каракамишева е насилно попречувана во својата работа, само заради тоа што говори различно од професорите Фрчкоски и Павлова-Данева.

Уште пострашно во целата ситуација е тоа што деканот на Правен факултет, Борче Давитковски неколку дена не презема ништо и не постапува по барањата на професор Тања Каракамишева за да и бидат овозможени услови за работа како и на останатите професори, стои во соопштението на ВМРО-ДПМНЕ.

Од партијта апелираат деканот Давитковски да покаже дека е недозволиво некој да биде дискриминиран и навредуван само заради искажан став кој не им се допаѓа на малкумина. Тоа е негова обврска и кон професорите, но и кон сегашните и идни студенти на Правниот факултет.

Доколку преземете содржина од оваа страница, во целост сте се согласиле со нејзините Услови за користење.