понеделник, 29 мај 2017  |  Вести денес: 0

ВМРО-ДПМНЕ: Најдобро за државата и за граѓаните ќе биде заедно со локалните да се организираат и нови парламентарни избори

Секој нов обид за неуставни и незаконски потези, само дополнително ќе ја продлабочат кризата во Македонија, предупреди пратеникот на ВМРО-ДПМНЕ

danev-

Поврзани вести

ВМРО-ДПМНЕ уште еднаш јавно го покажа својот став дека почетокот на јули беше најповолниот датум за одржување на локалните избори, бидејќи во интерес на граѓаните е час поскоро да изберат локална власт која ќе реализира проекти за нивните потреби, изјави на прес-конференцијата на Драган Данев од ВМРО-ДПМНЕ.

„Парламентарното мнозинство сметаше дека нивен партиски интерес е да го пролонгира терминот и практично да го избере последниот што сметавме ние дека е рационален. ВМРО-ДПМНЕ е подготвена да излезе на избори и во јули и во октомври бидејќи знаеме дека народот е на наша страна и ја поддржува политиката која подразбира реформи, проекти и заштита на државните и националните интереси“, рече Данев.

Истакна дека во ВМРО-ДПМНЕ очекуваат дека новото парламентарно мнозинство овојпат ќе си остане на зборот, бидејќи во спротивно, како што посочи Данев, ризикува поради нивната неподготвеност да ја доведат во прашање локалната самоуправа како една врвна демократска придобивка и право на граѓаните.

„ВМРО-ДПМНЕ повторно посочува дека доколку парламентарното мнозинство собере храброст, најдобро за државата и за граѓаните ќе биде, да се согласат заедно со локалните, на ист трошок, да се организираат и нови парламентарни избори. Токму на ваков начин граѓаните ќе може да се произнесат и за постизборната измама која им ја спакува СДС во декември и да кажат што мислат за Тиранската платформа која СДС ја прифати“, рече Данев.

Порача дека СДСМ и нивните партнери треба да ја прифатат реалноста и да го видат револтот на граѓаните поради нивната „деструктивна“ политика. „Секој нов обид за неуставни и незаконски потези, само дополнително ќе ја продлабочат кризата во Македонија“, додаде,

„ВМРО–ДПМНЕ, како што најави денеска, не присуствуваше на координацијата во Собранието на Република Македонија. ВМРО-ДПМНЕ останува на ставот дека Талат Џафери не е избран во легална процедура за претседател на Собранието и тој таа функција само бесправно ја узурпира. Талат Џафери е избран на целосно незаконски, неуставен и неделовнички начин. Тој за ВМРО-ДПМНЕ останува само пратеник, бидејќи така е избран легитимно од граѓаните и ние тоа не го оспоруваме“, заклучи Данев.

Најчитани вести