недела, 23 јули 2017  |  Вести денес: 1

ВМРО-ДПМНЕ: СДС со својата деструктивност ја носи државата неколку пати до работ на бездната

Во време на владеењето на СДС, нагласуваат од ВМРО-ДМНЕ, невработеноста достигна високи 38%, благодарение на нивните лични интереси и погубните политики кои ги спроведуваа.

vmro-dpmne-1

Последни вести

СДС имаше неколку шанси да реализира проекти за граѓаните од областа на социјалата, вклучително и кога Фросина Ременски беше министер за труд и социјала, но за жал тие само водеа гола политика и не спроведоа ниту еден проект, се вели во реакцијата на ВМРО-ДПМНЕ на прес конференцијата на Мила Царовска од СДСМ.

-Ваквите ветувања кои што паушално ги расфрла СДС се редовна пракса за политичка партија која што не реализирала ниту еден проект во своето владеење. Очигледно е дека водат политика на лажно душегрижништво на маката на граѓаните. СДС е партија која народот ја памети единствено по уништувањето на македонската економија за сметка на личниот интерес на нивната врхушка. Олигарсите на СДС затворија над 684 фабрики и оставија над 200.000 граѓани на работ на егзистенцијата, се вели во реакцијата.

Во време на владеењето на СДС, нагласуваат од ВМРО-ДМНЕ, невработеноста достигна високи 38%, благодарение на нивните лични интереси и погубните политики кои ги спроведуваа. Граѓаните единствено ја паметат СДС по празните ветувања, кои останаа синоним за уништување на државата и просперитетот на граѓаните.

-СДС со својата деструктивност и лажни ветувања ја носи државата неколку пати до работ на бездната. СДС ја направи Македонија лидер во сиромаштијата, не водејќи никаква грижа за своите граѓани. Нивното анти државничко делување ќе остане во аналите на историјата како црна дамка со која ќе се срамат сите идни генерации, велат од ВМРО-ДПМНЕ.

За таа цел изминативе години на владеење на ВМРО-ДПМНЕ преку политиките за социјална заштита отворени се 32 дневни центри, го зголемивме износот на посебниот додаток на самохрани родители на дете со пречки во развој за 50%, воведовме посебен додаток за сите деца со Даунов синдром, реализиравме постепена деинституционализација на лица со попреченост во менталниот развој, отворени се нови инклузивни игралишта и реализирани се многу други проекти.

-Преку успешните политики за вработување кои ги спроведуваме, активните мерки за вработување на млади лица до 29 години, оперативните планови за самовработување, грантовите за иновативни бизниси, проектите Македонија вработува и Македонија вработува 2, поволностите за отворање нови бизниси, политиките на привлекување на странски инвестиции невработеноста се намали од рекордните 38% на 23.7%, односно се вработија над 160.000 граѓани, се вели во реакцијата.

СДС со својата деструктивна и лажна душегрижничка политика манипулирајќи ги граѓаните, покажува дека воопшто не им е грижа за граѓаните, туку само им е грижа да дојдат на власт по секоја цена за да остварат нивни лични интереси кои воопшто не се во насока на потребите на граѓаните.

Пратеникот Антонио Милошоски денеска одговарајќи на новинарско прашање дали  СДСМ на некој начин се обидува да го услови одржувањето на локалните избори со давање на мандат на Претседателот на Република Македонија, Ѓорге Иванов за состав на нова Влада, рече дека локалната самоуправа е уставна категорија на која што граѓаните имаат право, и таа на ниеден начин не е поврзана со Претседателот на државата или со извршната власт.

-Локалните избори мора да се оддржат што поскоро за граѓаните да имаат градоначалници, општини и од нив надлежности и функции без разлика дали Претседателот на државата или другите лидери на политички партии имаат разлики по однос на прашањата поврзани со извршната власт. Затоа сметаме дека СДСМ на еден многу непринципиелен начин го уценува овозможувањето на локални избори со поврзување за очекуваниот или посакуваниот мандат од господинот Заев. И сметаме дека покажува страв да се соочи на брзи и скорешни локални избори каде што граѓаните ќе можат да одлучуваат за своите локални потреби, рече Милошоски.

Најчитани вести