понеделник, 16 јануари 2017  |  Вести денес: 43

ВМРО-ДПМНЕ: СДСМ ги сака само медиумите над кои има тотална контрола

vmro-sdsm-zagaden-vozduhh-640x294

Поврзани вести

СДСМ никогаш не сакал слободни медиуми. СДСМ ги сака само медиумите над кои има тотална контрола, велат од ВМРО-ДПМНЕ.

Соопштението Ви го пренесуваме интегрално

Продолжува непринципиелното неизбалансирано информирање на дел од медиумите кои отстапуваат илјадници секунди и објавуваат стотици написи секој ден во полза на лагите и манипулациите на СДСМ, додека истовремено ги извртуваат ставовите и неаргументирано го напаѓаат ВМРО-ДПМНЕ.

По повод 65-годишнината од основањето на Државниот архив на Република Македонија во Куманово беа пуштени во употреба новите простории на Регионалниот Државен архив и на МВР сместени во реновираниот објект на поранешниот Дом на Армијата не беа доволно интересни за 24 Вести и Телма.

Лидер во трката кој повеќе простор ќе оддели на манипулациите, лагите и наративнот на СДСМ беше ТВ Телма која одвои 4414 секунди од своите централни вести и дебатни емисии за промоција на измислиците и конструкциите на СДСМ. ТВ 24 Вести вчера во централните вести и дебатните емисии им додели 3953 секунди на тезите кои произлегуваат од манипулативната пропаганда и измислиците на СДСМ односно за неаргументирано напаѓање на ВМРО-ДПМНЕ.

Само на овие две телевизии пропагандата на СДСМ беше застапена со вкупно 8367 секунди во само еден појас на информативни програми и дебатни емисии, односно неколку пати повеќе од тоа во текот на целиот ден.

Во март СДСМ доби 146.850 секунди во само еден програмски појас на две телевизии. Ваквите телевизии според извештаите од Бихаќка се фер и балансирани и не се ставени на листата на политички непријатели на Заев и СДСМ со кои СДСМ планира да се пресметува преку драконски казни и одземање лиценци.

Порталите кои граѓаните одамна ги препознаваат како партиски гласила на СДСМ, како што се Фокус, А1Он, Либертас, Плусинфо и другите соросови гласила вчера повторно работеа со нарачани текстови за промоција на манипулациите на СДСМ и неаргументирано напаѓање на ВМРО-ДПМНЕ.

Такво е избалансираното новинарство според СДСМ – илјадници секунди за нивните измислици и лаги секој ден на телевизиите и стотици нарачани текстови на порталите. Медиумите кои не се под диктат на Бихаќка веднаш се прогласуваат за политички непријатели. Тоа е вистината.

СДСМ никогаш не сакал слободни медиуми. СДСМ ги сака само медиумите над кои има тотална контрола, се вели во соопштението на ВМРО-ДПМНЕ.

Најчитани вести