СДСМ не ги губи само изборите. СДСМ го губи и здравиот разум. СДСМ го губи и смисолот за хумор, велат од ВМРО-ДПМНЕ.
Во продолжение следува интегрален текст од соопштението на владејачката партија
Ги повикуваме СДСМ и познавачот на интернет Кирацовски веднаш да ги тужат и МАРнет и Google и Facebook и Yahoo и сите други непријатели на СДСМ од интернетот кој е под директна контрола на ВМРО-ДПМНЕ.
Со ова СДСМ ќе ја започне финалната битка против интернетот чија пропаст ја најави нивниот пулен Сашо Ордановски пред многу години.
Тогаш Ордановски соопшти дека на интернетот му следи катастрофа, а сите кои со потсмев гледаа на оваа изјава на СДСМ-овскиот експерт, од денес ќе може да гледаат остварување на ова пророштво преку одмаздата на СДСМ кон интернетот предводена од познавачот Кирацовски.
Откако СДСМ ќе успее да регистрира еден веб-сајт, може да продолжи во битката да добие право и поддршка да ја води државата.
Не само ZbogumZaev.mk, туку СДСМ треба да купи уште стотици веб-домени со кои ќе се занимава експертот за интернет Кирацовски.
За овој напор СДСМ има уште 110 дена. На 24 април ќе дојде крај на циркузот кој го приредува СДСМ.