СДСМ нема образ да говори за невработеност и за отпуштања на работници, кога само во Берово во време на нивното владеење беа оставени на улица илјадници работници со затворањето на Огражден, Исхрана, МЗТ Пумпи, автотранспорт Берово, ЗИК Малеш. СДСМ во тоа време мува не ги лазеше што илајдници семејства во Берово останаа без егзистенција.
Ова, меѓу другото се посочува во соопштението што владејачката ВМРО-ДПМНЕ го упати до јавноста.
Интегрален текст од соопштението на ВМРО – ДПМНЕ:
СДСМ е партијата која затвори 684 фабрики со криминалната приватизација и остави на улица над 200.000 луѓе. СДСМ затоа нема образ да говори за невработеност и за отпуштања на работници, кога само во Берово во време на нивното владеење беа оставени на улица илјадници работници со затворањето на Огражден, Исхрана, МЗТ Пумпи, автотранспорт Берово, ЗИК Малеш. СДСМ во тоа време мува не ги лазеше што илајдници семејства во Берово останаа без егзистенција.
ВМРО-ДПМНЕ континуирано работи на привлекување на странски инвеститори и отворање на нови работни места. Токму затоа и изнесува рекордни ниски 25,5%, а во време на СДСМ таа изнесуваше 39%.
СДСМ не може да се помири со тој факт. Затоа имаат потреба да ја манипулираат јавноста со соопштенија. Тие немаат економски резултати ниту во минатото, ниту денес. Впрочем најдобар пример за виртуелни инвестиции имаат во Струмица и 300 фабрики и 3000 работни места на Заев кои ги има реализирано на ливадата десно од патот во Сачево.
Граѓаните во Македонија одамна ги прочитаа манипулациите на СДСМ и на изборите на 24 април ќе ги казнат по десети пат по ред.
