Владата на СДС укинувајќи го денот на дрвото на површина ја покажува лажната грижа за чистиот воздух. Чистиот воздух, исто како и ветувањето за живот на сите се лажни пароли и лажни ветувања кои ќе станат синоним за неспособноста влада на СДС и Зоран Заев, реагираат од ВМРО-ДПМНЕ на денешната одлука на Владата за укинување на акцијата „Ден на дрвото“.
-Овие две ветувања ќе се вбројат во редот на големи лаги на СДС како онаа дека ќе вработеа по еден од секое семејство, и дека ќе носеле инвестиции. Владата на СДС и Заев наместо по градење исклучиво ќе се памети по уривање, стопирање, и наметнување на нови давачки, се наведува во партиското соопштение.
Од ВМРО-ДПМНЕ додаваат дека наместо со ново зеленило, тие против загадувањето се борат со покачување на цената на нафтата, покачување на цената на паркирање и редица ретроградни мерки.
Досега над 35 милиони садници се засадени од 2009та до сега, со над 50 проценти успешност со што се смета за едно од најуспешните пошумувања во регионот. Само во Скопје само за изминатите 4 години засадени 256.000 листопадни дрвја и зимзелени садници, велат од ВМРО-ДПМНЕ.
