Животот кој го носи СДСM значи укинувања, беда и сиромаштија, обвинуваат од ВМРО-ДПМНЕ.
„Граѓаните со владата на СДС секој ден стануваат се посиромашни, а државата се позадолжена. Доказ за тоа е дека и според податоците на Обединетите нации во Република Македонија 450.000 жители живеат во ризик од сиромаштија. Само 10 насто од тие граѓани се вработени, во неформалниот сектор, и живеат со помалку од 6.500 денари месечно. Неодговорноста на СДС нема граници, ја задолжи државата со околу половина милијадра евра за само четири ипол месеци. Со задолжените пари владата на СДС не направи ниту една капитална инвестиција, и не им кажа на граѓаните каде ги потроши парите. Но во исто време владата на Зоран Заев крати од плати, субвенции за земјоделците, инфраструктурни проекти и други капитални расходи. Неодговорната влада на СДС се коцка со судбината на граѓаните. Владата на СДС нема план и желба да ги реши проблемите на граѓаните“, стои во партиското соопштение.
Од ВМРО-ДПМНЕ порачуваат дека граѓаните од владата на СДСМ очекуваат да ги исполни дадените ветувања и да отвори нови работни места.
„Македонските граѓани не се должни да живеат на работ на сиромаштијата и да го плаќаат луксузниот живот на владата на СДС. Граѓаните можат да стават крај на ваквиот расипнички однос на СДС. СДС ќе одговора пред идните генерации за уништувањето на нивната иднина“, велат од ВМРО-ДПМНЕ.
