четврток, 27 април 2017  |  Вести денес: 56

ВМРО-ДПМНЕ: Сорос и СДСМ промовираат единствено обид за насилно доаѓање на власт

СДСМ е политичкиот експонент на деструктивната политика на Сорос против волјата на граѓаните и законите во нашата држава, стои во партиското соопштение.

вмро-дмне

Последни вести

Сорос е поим за деструкција на планетарно ниво. Целиот свет го виде вистинското лице на таканареченото отворено општество кое го промовира Сорос. На протестите во Вашингтон беа повредени 7 полициски службеници, а 217 хулигани беа приведени, се наведува во денешното соопштение од ВМРО-ДПМНЕ.

Како што истакнуваат од партијата „на Сорос и неговите платеници не им се важни ниту владеењето на правото, ниту демократијата, а уште помалку волјата на народот“.

– Платеници се платеници, и во Македонија и во САД. Дивеењето по улици, нападите врз полицијата, демолирањето и палењето се нивен заштитен знак. Така ги одработуваат дебелите суми бранејќи ги интересите на својот газда. СДСМ е политичкиот експонент на деструктивната политика на Сорос против волјата на граѓаните и законите во нашата држава. Бандите на СДСМ/Сорос во Скопје повредија 50-тина полицајци и предизвикаа штети од неколку стотици илјади евра, само за да го заштитат аболицираниот криминалец Зоран Заев и да ги бранат интересите на својот газда замаскирани со наводна промоција на некакво отворено општество, се вели во соопштението.

Во него се додава дека Сорос и СДСМ во Македонија единствено што промовираат е уништување на граѓанскиот сектор, узурпација на медиумите и обиди за насилно доаѓање на власт против волјата на мнозинството граѓани и против сите демократски принципи.

– Народот и во САД и во Македонија им кажа што мисли за нив. Доаѓа време на десоросоизација. Аболицираниот криминалец Зоран Заев и неговото друштво се поразени и заминуваат во историјата, се наведува во соопштението од ВМРО-ДПМНЕ.

Најчитани вести