ВМРО-ДПМНЕ: Туфегџиќ и Богоевски се показател зошто на Македонија и’ треба десоросоизација

Туфегџиќ и Богоевски наводно се грижат за граѓаните, а донираа илјадници евра на партијата која се залага за виткање на кичмата, избрка од работа 200.000 граѓани и затвори речиси 700 фабрики, истакнуваат од ВМРО-ДПМНЕ.

Во продолжение интегрален текст од соопштението на ВМРО-ДПМНЕ:

Невработениот студент од платеничката револуција на Сорос, Ивана Туфегџиќ, донирала 118.000 денари за СДСМ. Овие пари во вредност од 40 просечни студентски стипендии, невработениот студент Туфегџиќ реши да ги донира на аболицираниот криминалец Зоран Заев. Толку од лицемерниот граѓански активизам.

Соросoвите плати, невладиниот Павле Богоевски во четири наврати ги донирал на сметка на СДСМ. Вкупно 184.000 денари.

Туфекгиќ и Богоевски се типичен пример за лажниот морал и лицемерието на СДСМ/Сорос. Едно кажуваат, друго прават.

Устите им се полни со зборови како демократија, слобода и борба за правда, а парите ги даваат во партија водена од двојно аболициран криминалец кој на очиглед на целата јавност бара поткуп.

Зборуваат за борба против криминалот, а поддржуваат партија што го измисли и промовираше организираниот криминал.

Го критикуваат здравството и злоупотребуваат туѓи судбини, а парите ги даваат во партијата што инвестираше во бисери и ѓердани наместо во медицинска опрема за здравството и не изгради и не реновираше ниту еден студентски дом во Македонија.

Туфегџиќ и Богоевски наводно се грижат за граѓаните, а донираа илјадници евра на партијата која се залага за виткање на кичмата, избрка од работа 200.000 граѓани и затвори речиси 700 фабрики.

Туфегџиќ, Богоевски и Лидија Димова, се најдобар пример како функционираше Сорос/СДСМ и како нивниот патрон Владе Милчин го уништи невладиниот сектор. Според насоките на нивниот ментор, дење се нарекуваат цивили и активисти, а навечер седнуваат во скутот на аболицираниот криминалец Зоран Заев.

Овие луѓе се најдобар показател зошто на Македонија и е неопходен процесот на десоросоизација.

Доколку преземете содржина од оваа страница, во целост сте се согласиле со нејзините Услови за користење.