Во Албанија од грип починале четири лица

грип

Регистрирани се четири жртви на грипот. Станува збор главно за хронични болни. Компликациите од него може да предизвикаат фатални последици по животот, при што најризична група се хроничните болни, односно лицата кои боледуваат од хронична пневмонија, кардиоваскуларни заболувања и дијабетес, вели пневмологот Арјан Мезини.

За тиранската телевизија Топ чанел тој потврди дека од 31 декември се забележува зголемен број лица заразени од грип и додаде дека се очекува овој број нагло да нарасне во следните две недели.

Официјалната статастика потврдува дека во Албанија има над 20 илјади грипозни,но нивниот број се верува дека е многу поголем, имајќи во предвид дека дел од заболените се лекуваат во домашни услови или со лекарства што ги добил некој член од нивното семејство.

Поради грипот, ниските температури и снегот уште од пред Нова Година се затворени училиштата и градинките во земјата.

Доколку преземете содржина од оваа страница, во целост сте се согласиле со нејзините Услови за користење.