Коверт што позитивно реагирал на првичните испитувања за присуство на цијанид пристигнал во Белата куќа, соопшти американската агенција „Тајна служба“.
Писмото е добиено во понеделникот, во центарот за контрола на кореспонденцијата надвор од територијата на Белата куќа. Првичните биолошки тестови биле негативни.
Дополнителните вчерашни тестови, меѓутоа, дале позитивен резултат. Мостра од писмото е испратена на анализа до друг објект.
„Тајната служба“ одговара за безбедноста на американскиот претседател Барак Обама.
Агенцијата информира дека истрагата продолжува и одбива да даде други коментари за случајот со сомнителното писмо.