Крими хроника

Во БМВ натоварил 13 мигранти

Во БМВ натоварил 13 мигранти

Жител на скопско Блаце успеал во автомобил БМВ да натовари дури 13 мигранти.

Вчера во 13.40 часот на автопатот Гевгелија-Скопје, кај тунелите Демир Капија, полициски службеници дале знак за запирање автомобил “БМВ“ со скопски регистарски ознаки, но на даден знак, возачот не застанал и продолжил со движењето.

Полициските службеници успеале да го пресретнат возилото во близина на с.Криволак.  Во возилото биле пронајдени 13 мигранти од Пакистан, а на околу 1.000 метри од возилото бил фатен и возачот А.Ф. (26) од село Блаце, скопско.

За настанот бил запознаен Јавен Обвинител, кој дал насока на македонскиот државјанин да му биде поднесе кривична пријава, а мигрантите да бидат сместени во Прифатен центар за странци.