Свет

Во бродолом загинаа најверојатно 300 имигранти

Во бродолом загинаа најверојатно 300 имигранти

Се проценува дека 300 луѓе загинале во обид со три гумени чамци да дојдат од Либија во Италија, соопшти агенцијата на ОН за бегалци, пренесува МИА.

По разговори со преживеани од тој бродолом таа агенција соопшти дека исчезнале околу 300 луѓе, по стотина од секој чамец што потонал. Преживеаните се наоѓале на два од три чамци, а со нив разговарале од УНХЦР на италијанскиот остров Лампедуза, наведе портпарол на УНХЦР.

Од Либија кон Европа во крајот на минатиот месец испловиле четири чамци, три за кои денеска се дознало дека имале бродолом и уште еден кој вчера италијанската крајбрежна стража спасила 105 луѓе. Поради екстремно ниските температури 28 имигранти ги загубиле животите во временски период од 18 часа колку на крајбрежната стража и било потребно да ги префрли до италијанскиот брег.