Во Египет новинари на „Ал Џезеира“ осудени на по 7 години затвор

Судот во Каиро осуди тројца новинари на „Ал Џезеира“ на по седум години затвор за искривување на информации и соработка со забранетата организација „Муслиманско братство“.

Австралијанецот Питер Гресте, Махмад Фадел Фами, египетско-канадскиот новинар и продуцент Бахтер Мухамад од „Ал Џезеира“ на англиски јазик беа меѓу 20-мината обвинети на судењето кое предизвика лутина кај меѓународната заедница и страв од растење на медиумските ограничувања во Египет.

Групите за заштита на човековите права, вклучувајќи го и „Амнести Интернешенал“, како и Комитетот за заштита на новинарите од Њујорк побарале уапсените новинари да бидат ослободени.

Медиумската куќа „Ал Џезеира“, со седиште во Катар, обвинувањата и пресудите против своите новинари ги нарече неприфатливи и неправедни.

Денешната пресуда е по седум дена откако египетските власти во ослободија Абдула Елшамиј, уште еден новинар на „Ал Џезеира“ кој работи на програмата на арапски јазик.

Доколку преземете содржина од оваа страница, во целост сте се согласиле со нејзините Услови за користење.