вторник, 28 февруари 2017  |  Вести денес: 51

Во Франција е украден накит во вредност од 5,5 милиони евра

Непознат маж кон крајот на декември од луксузна златарница во центарот на Париз успеал да украде дијаманти и накит во вредност од 5,5 милиони евра и тоа „пред очите“ на продавачот.

накит

Поврзани вести

Маж на возраст од околу 40 години, кој се претставил како „експерт за накит кој работи во туѓо име“ на 30 декември утрината влегол во златарницата на швајцарскиот бренд „Де Грисогоно“, на претходно договорена средба.

Во посебна просторија за клиенти златарот ги изложил камењата и накитот пред непознатиот, кој пројавил интерес за „два необработени дијаманти и два прстена со дијаманти и скапоцени камења“.

На крајот наводниот купувач си заминал без да купи нешто.

Дури попладнето златарот сфатил дека клиентот украл четири предмети, чии кутии ги заменил со копии.

Штетата се проценува на 5,5 милиони евра.

Најчитани вести