Во Хаг треба да биде изречена пресудата за Ратко Младиќ

Меѓународниот суд во Хаг за воени злосторства сторени на територијата на поранепна Југославија во средата ќе му изрече пресуда на поранешниот воен командант на босанските Срби, генералот Ратко Младиќ.

Седумдесет и тригодишниот Младиќ е обвинет за геноцид во Сребреница, прогон, геноцид и други злосторства над Бошњаците и Хрватите за време на војната во Босна и Херцеговина од 1992 до 1995 година, како и за терор врз населението на Сараево со долгогодишното гранатирање и земање припадници на УНПРОФОР за заложници.

Судењето на Младиќ почна во мај 2012 година откако тој кон крајот на мај 2011, по 16 години бекство беше уапсен во Србија и израчан на Хаг.

Во завршниот говор во декември лани обвинителите побараа Младиќ да биде прогласен за виновен и да добие доживотен затвор. Во првото појавување пред Трибуналот, Младиќ одби да се изјасни за вината, а судијата во согласност со правилата, во записникот внесе дека обвинетиот не се чувствува виновен.

Доколку преземете содржина од оваа страница, во целост сте се согласиле со нејзините Услови за користење.