Македонија

Во Куманово мирно, но тензично

Во Куманово мирно, но тензично

Полицијата постапувала по претходно добиени сознанија дека се крие вооружена група која била поврзана со нападот на караулата во Гошинце и планирала нови терористички напади, пренесуваат од Сител телевизија на вонредно објавените вести.

Акцијата започнала околу 4 часот утринава, а најжестоко било во кумановската Дива населба.

Во Куманово моментално е мирно и не се слушаат рафали, нема хеликоптери. Во градот се чувствува тензија, полицијата е на повеќе пунктови, под полна опрема го обезбедува просторот.

Има полициски пунктови кои контролираат сомнителни возила. Дел од улиците беа затворени, но сега сообраќајот се одвива најнормално.

Блокиран е приодот кон Дива населба на излез од Куманово каде живее население од албанско етничко потекло.

Ситуацијата е мирна и не се слушаат рафали и истрели, велат од „Сител“, но одвреме-навреме излегуваат полициски возила.

Имало информации дека вооружена група се наоѓа во дива населба и дека по добиените сознанија околу 4:30 часот, полицијата влегла во населбата да ги приведе лицата, по што започнала престрелка.