Во Париз започна средбата меѓу рускиот министер за надворешни работи Сергеј Лавров и американскиот државен секретар Џон Кери, пренесе „РИА Новости“. Разговорите ќе бидат фокусирани на меѓународната конференција за Сирија „Женева-2“.
Преговорите ќе се одржат зад затворени врати. Подоцна кон нив ќе се приклучи и специјалниот претставник на ОН и Арапската лига за Сирија Лахдар Брахими.
