недела, 23 јули 2017  |  Вести денес: 34

Во Пиреја се очекуваат околу 4.500 бегалци

begalci

Поврзани вести

Грчките власти соопштија дека денеска околу 4.500 бегалци ќе пристигнат во пристаништето Пиреја.

Со фериботот „Сина ѕвезда“ веќе пристигнаа 1.330 бегалци од Митилена и Хиос, „Нисос Родос“ донел 1.372 луѓе од Митилена, Хиос и Самос, а се очекува да пристигне и траектот „Елефтериос Венизелос“ со уште 1.771 бегалци.

Високиот комесаријат на ОН за бегалци (УНХЦР) соопшти дека во Грција годинава влегле 770.000 азиланти кои бараат подобар живот во побогатите земји на Европската унија, додека повеќе од 200 се удавиле на пат кон Грција.

Според податоците на УНХЦР, 58 проценти од 768.916 луѓе кои пристигнале во Грција биле мажи, 26 отсто деца и 16 отсто жени. Околу 60 проценти рекле дека се Сиријци.

Речиси сите пристигнале преку грчките острови во источниот дел на Егејското Море со преполни чамци за кои им платиле на шверцери со луѓе од Турција. Овој месец во просек дневно пристигнуваат 3.800 луѓе, во споредба со 4.560 во ноември.

Најчитани вести