Свет

Во поплавите во Шри Ланка 164 смртно настрадани и стотина исчезнати

Во поплавите во Шри Ланка 164 смртно настрадани и стотина исчезнати
Photo by AFP

Во поплавите што ја зафатија изминатиот викенд Шри Ланка, најголемите во последната деценија, смртно настрадале 164 луѓе а уште над стотина се водат како исчезнати, соопшти во понеделникот спасувачката служба.

Обилните врнежи во петокот предизвикаа големи поплави и лизгање на земјиштето на островската земја во Индинскиот Океан, принудувајќи околу половина милион луѓе од јужниот и од западниот дел да ги напуштат своите домови.

Како исчезнати уште се водат 104 луѓе, а 88 се хоспитализирани, соопшти Центарот за управување со природни катастрофи. Напорите на спасувачките екипи може да бидат отежнати поради новите монсунски дождови, кои за во понеделник и вторник ги најавија метеоролозите.

Војската ги мобилизираше хеликоптерите, пловилата и амфибиските возила во помош на настраданите и за доставувње храна, вода за пиење и лекови.

Истовремено владата на Шри Ланка до меѓународната заедница упати апел за помош. Индија веднаш уапти неколку воени бродови, а на еден од нив е лекарски тим и медицински персонал.

Станува збор за најголемите поплави од мај 2003 година кога животите ги загубија 250 лица, а водените порои однесоа околу 10.000 куќи.