Откако вчера обновен на неколку часа, меѓународниот железнички сообраќај меѓу Словенија и Хрватска денес повторно е во прекин.
Железничкиот сообраќај е запрен по налог на безбедносните органи, по одлуката на словенечката Влада.
Словенечката Влада вчера објави дека железничкиот сообраќај со Хрватска, што беше суспендиран од 16. октомври, ќе биде обновен бидејќи ситуацијата со бегалците е „многу помирна“ во споредба со минатите денови, но само неколку часа потоа, околу 19 часот, Словенечки железници повторно го запреа сообраќајот.
Бегалците и понатаму од Хрватска во Словенија пристигнуваат со воз, до синоќа 3.270 луѓе пристигнале на железничкиот премин Добова меѓу двете држави.